ZZE, zuzenezko emankizun partehartzaile itinerantea

Emankizun partehartzaile bat

Zuzenezko emankizun honek Euskal Herri osoko herri dinamika, ekimen alternatibo eta gizarte eztabaiden bozgoragailua izatea du helburu.

Astero leku berri batetik, gai berri bat tratatzen du emankizunak. Gaiak, erreportaiak eta gidoia era partehartzailean herritarrek osatzen dute. Zuzenezko platoaren egunean, kameralariak eta animatzaileak, denak dira herritarrak, Kanaldudeko lantalde batek lagundurik, noski : kateak dispositiboa eskaintzen du eta herritarrek edukia osatzen dute.

Deialdia

ZZE-k Euskal Herriko herritar talde edo elkarte orori luzatzen dio proposamena bere herrian bertan emankizun baten antolatzeko. Horretarako, ezkerraldeko "Proposatu ezazu zure emankizun ideia" estekan klikatu eta agertzen den formularioan izena eman dezake edonork.

Emankizun bat egitearen zailtasuna desmitifikatzeko eta hortan laguntzeko, Kanaldudek ZZE emankizun bat nola osatzen den gida liburuxka bat editatu du, web orrialdetik deskargatu daitekeena.

Aldaketak

ZZE-k ekitaldi publikoa izateko bokazioa du, herri ekimenen baitan integratzen dena. Horretarako, zuzenezkoaren eguna eta ordua aldatzen dira sasoi berri honetan : ostegunean finkaturik egon ordez, ostiraletan izango da kasu gehienetan emankizuna, arratsaldeko 8tatik 9:30ak arte emitituko da. Horrek jai giro eta ekitaldi baten barruan kokatzea errestuko du. Baina, herritar ekimen baten batek beste egun bat aproposagoa aurkituko balu, ZZE-k malgutasunaren karta jolastuko du, ostegunetik igande arte, zuzenezko eguna muhitzeko aukera zabalduz.

Gertakarien barnean egotea eta jendearekin hurbiltasunean lan egitea da ZZE-ren apostu berria, baita publikoaren partehartze zuzena bultzatzea ere, bai platoan mikroa irekiz, eta baita sare sozialen bitartez ere, #ZZE traola erabiliz, bere galderak pausatu ditzan eguneko gonbidatuei.